有錢 / 冇錢

以後我都唔會再講冇錢.

我覺得年薪有十萬o既人,絕對唔可以呻窮叫冇錢,因為你冇資格.
如果你都叫冇錢,一個月搵七千蚊仲張養起成頭家o既人叫乜?

所以我決定以後我都唔會呻一句窮,只要我仲有份工,有收入.

你可以話我有錢,因為我認為我係有錢.
一個月搵黎比完屋企儲埋錢扣埋日用洗費七除八扣仲可以有少少多餘錢玩下買下無謂野,唔係叫有錢叫乜野?

有三餐溫飽已經係足,更進一步就已經可以叫富.

唔駛憂茶憂米,仲要比地球上一半人富有,唔係有錢,叫乜?

所以我覺得我真係有錢.

所以我今日開始唔會再為冇錢玩呻一句窮,因為我怕遭天遣.
對唔住半個地球喎,雷公真係會劈柒我都有理由啦.