"假"喜劇

行VCD鋪,一口氣掃左幾套想睇好耐o既戲. 清大假好得閒,一野殺左兩套都係分類成喜劇o既戲.


酒佬日記 SIDEWAY
中年危機一事無成麻甩佬片王. 真實得黎荒謬到失笑,結局愁得黎最後又比番半粒糖你.


無痛失戀 ETERNAL SUNSHINE OF THE SPOTLESS MIND
追住個媥劇而睇o既戲.導演方面之前都有接觸,所以已經有心理準備.
零散,錯亂,對觀眾有一定要求,精神差D都包你完全捉唔倒佢路一舊云咁出場. 值得一睇老JIM係真係幾好演技的,連帶肥溫做起個傻婆都覺得OK


不過用番香港標準, 實在難以將佢定為喜劇. 前者唔o岩睇真係悶到訓著,後者亂到可以睇到一頭霧水. 如果以港式喜劇o既角度黎睇, 兩套都冇"爆位" - 就係冇咩令你一睇倒就笑o既地方. 有聽過近年主流港產笑片o既導演講,佢地拍一套片就係開會,度gag. 可能就係生產程序o既問題, 近幾年最受好評o既笑片,我都好難叫佢做一套"電影". 就係有一堆gag,夾硬度一個故事穿起佢就算. 笑係好笑, 笑完就乜鳩都冇得剩, 情形唔會好得過細個睇笑話書.

不過講明笑片嘛,究竟你要可能睇完都唔識笑,定係笑完就乜都唔知丫

你諗你喇