"你想唔想發達呀?"

經濟好果陣就特別多妖魔鬼怪,尤其係"好似"經濟好果陣.
冇辦法,個個都好似有d閒錢,就自然有人會去諗點去搵哩d閒錢返黎.
不過就真係估唔到廿鳩幾歲人都仲有哩d野埋身.
講o既梗係唔偽咩桃色陷阱(都至少有得食丫),而係傳銷.
係呀,2007年,仲傳銷,所謂蠢人一萬年唔死都仲係蠢人.
不過就真係估唔倒發生響自己身上,當然想賣你o既就一定好戲劇性地係你當兄弟果個啦.
比兄弟呃上去當然係嬲,不過以志在參觀o既心態睇下佢地又點玩先
我挑!咪又黎黎去去都係果幾度板斧,

"睇下我地d野幾勁幾勁!"
"睇下我地d人幾發幾發!"


信又好唔信都好,總之落搭果個一定係蠢人或者叻仔.
不過佢d sales真係有夠冇EQ的,hea下佢之後質佢幾句就走左去,有夠冇用.

我成日都話,傳銷o既野,只要你做得出,真係可以搵倒錢.
但係搵兄弟錢o既野自問我就做唔出,就算包裝得幾好都好都好.

蠢人該死,唔好旨意我救你.
叻仔賣友求榮,哩d錢,我唔想搵.

熟我o既人知我有夠冷血,啋佢有味
我諗做兄弟o既唔當場屌鳩佢反檯走人都算係咁,真係比足面.
他朝有日你做傳銷發左我都唔會冤半句,總之果廿蚊你記得還就得.

不過可能真係嬲o既關係,成晚都冇咩狀態慢慢玩佢
"有機會o既話,我會做得更好!!"

絕望了!我對這樣的香港絕望了!

當我地怨緊識寫字就係才女,識用GOOGLE就係才子o既時侯,
就發現原來香港好多人真係盲字都唔識的.
多o既唔講,就睇下d公信第一o既出版物,最多人流o既forum,就唔難發現我地正向文盲o既方向前進

同一時間,收倒電話問卷調查 :

"你認為香港應該幾時有雙普選呢?"
"響民智未開o既地方講埋d咁o既野,係咪早左d呢."
'咁都有個時間架嘛,咁係0708定1213年呢?"
"等有日我地發現個腦係可以用o既時候先講啦."
"咁都有個年份架嘛,2046都係個年份丫~"

阿姐姐呀?係咪唔明我講咩呀?
你話點攪呀,成班友腦又唔肯用字又唔識聽又唔聽人講,普選黎托柒呀?
你話為咩普選喇??

"要民主囉!"

民主!你想主d咩野呀?
連睇完戲食咩野都主唔倒o既人你想我比你主d咩野呀?

番屋企煮麵食算罷啦!民主!