高峰過後o既回塘定係新plaform o既宿命?

斷斷續續,花左一個星期完成左ace combat 6.
全game 15個mission冇分支,好似少左d
不過每個mission都有唔同operation同時進行,要打咩野可以隨時選擇. 唔少mission都要花20分鐘以上去完成,總時間都花左三個幾四個鐘先ko,所以怕gameplay太短o既應該唔駛擔心,至少比zero長.
畫面,唔駛講啦,新platform,720p,namco唔攪得佢靚靚地就奇,effect都落左唔少功夫.
講難度,由hard mode開始,感覺上難度同zero不相伯仲,其實難點主要在target太多睇到眼都花而唔係響敵機o既AI上面. 好在WINGMAN AI強左好多又有好用o既allie attack, 眼花花睇唔清叫人幫你執又得,幾方便.敵AA GUN準同痛左好多,玩掃地要小心過以前.
gameplay嘛,都係果d囉,玩得AC都預左係果D果D同果D野,哩方面對熟客黎講好難有驚喜,反正打得AC,都唔係要哩樣啦.
系統加左唔少新野,好難一言而盡,玩下你就知.
咁ACE COMBAT系最殺係咩?當然係攪氣氛,玩型啦.
唔講PSP o既AC X,由4,到5再到ZERO,每一集總係比倒D熱血位你 - 即使打o既野都係果d,不過最緊要高興嘛.

咁作為正統續作o既AC6呢?

我可以同你講,佢失敗左.
故事老掉牙就一向架喇,所以就要睇點玩,點present.
今次想用唔同人o既角度去講一場戰爭,結果就係人太多,散修修.
再加埋過場用埋我最唔想見倒o既即ren 3D人加埋肉麻+3 o既對白,好難令人有投入感,尤其佢句最key o既"dance with the angel",我聽一次就打一次冷震 : zero果d型去晒邊呀??
一路打打打打到尾,預左要做哩d預左要打果d,哦?完左喇?實在冇邊個場面係好深刻的.
要講好o既,就係每一個mission都一定有大班wingman響度,都算做倒佢講o既"大戰場"o既感覺.
次次都話d大東西得個樣,今次比夠5架你一齊打,都ok爽

其實要講,我覺得佢有d似ac4
一樣係新platform上第一隻
一樣係薄薄o既故事 (不過ac4好feel呀!)
一樣冇咩機 (比起ac5)
一樣冇一條似樣o既隧道 (恆例活動之一呀!)

ONLINE方面,哩排我條DATALINE死死地所以未試真,試過幾鋪感覺D動作有D奇怪快到飛呀,問人覺唔覺怪佢又話冇事,我就懷疑係我LAG問題啦

單以故事MODE黎計,比5同ZERO爭得多了,同AC X可謂一擔擔.
要我打個分,比足面喇,都最多比個 6/10 佢. 我覺得佢真係值咁多架咋