"真係乜都有人睇呀喂~"

有時就真係覺得自己係果隻戒買唔戒睇o既人 : 除左自己keep開果幾套之外,好多都係等人買先借,完全係果隻"想睇,不過就係唔想比錢買" o既矛盾. (ok~唔駛比果三個字黎總括我o既行為喇,我明.) 就響小克本新書都出左成個月,而我都仲等緊人買o既時候,商務終於做減價!當然比錢果個都唔係我啦,總之我就係有得睇,你咪理. 不過今日唔係要出假review因為本書我都仲未睇,而係拎上手,果條好麻煩夾住本書唔知做咩,平書諗都唔諗就會送佢落地獄, 貴書就會令你煩唔知點處理佢好 (好多時都會用番個書皮夾番住佢黎keep,好錯!) 果條唔知叫咩o既野度,發現有趣o既野 :


段野好熟口面哩,原來真係咩都有人睇架咪話我話.莫非又係姑狗神力?

丫講開講,好多人話"因為小克同阿德而買東字頭書仔", 我自己就因為佢地而唔買喇, 你知d野比完一次錢睇又要比多次錢再睇多次,真係蝕.