毒女聲

素聞audio technica高階earphone以毒女聲聞名於世,其中以神兵ATH CM7ti最為世人所傳頌,中毒者眾,惜細佬我未有機會一試前已停產,未能見識其毒.

因緣際會之下,巧遇與CM7ti同期掛耳ath EW9. 一直對其木質外殼之優雅著迷,可惜當時價位太高未能恨心敗下去. 今於科林巧見其二手價極為誘人,考慮片刻即連絡賣家,一口氣於昨日接過門,可喜可賀!



新玩具到手後當然欲罷不能,即抽出手頭之IPOD 3rd GEN一試其功力!

第一印象 : 可以話係全無隔音能力可言! 唔好話聽唔聽得出佢音質如何,連吹乜都聽唔倒! 不過用得掛耳,都預左隔音差,反正我預唔會點拎對EW9出街所以都冇咩所謂.返到屋企再試,順手用聽緊o既<平成風俗>一試,分析能力,音場都只係算唔錯,未至十分出色,當然同以音場定位強見稱o既SF 5pro差半條街.

人聲方面呢?表現椎名女王帶沙啞o既聲線方面,可以話係,敗!唱唔出果種力量感! 不過有聽聞EW9十分難服侍,揀SOURCES又揀野唱,就拎部CD機試一試佢實力. software方面就搵左藤田惠美o既camomile. 一試,不得了.

之前手頭用過人聲做得最好o既應該係AKG o既K14p,今次一試EW9,終於知咩叫毒. 高音伸展能力強,不過依然保持滑淨,中音甜得不得了,直頭唔知點形容, 低音相對較弱,下潛唔夠深,不過好在都算實淨. 再轉隻例碟 - 蔡琴<機遇>黎試,唔駛轉去第隻歌,就開第一CUT,一開聲果種暖,直頭係感動得流出淚來呀! 再轉自己o既飛佛陳綺貞黎聽呀,堅!真之毒! 聽完女聲聽下男聲,抽出一隻自己至愛o既玉置浩二,<酒紅色的心>, 丫真係衰,d結他仲好聽過人聲,唔係話佢處理男聲好差,而係結他聲o既清脆實在太搶,吸住了.

聽左一日o既初步感覺係哩對EW9都算係蝦人蝦機o既earphone,近乎完全女聲特化,你搵得o岩sources o岩野聽,佢可以令你唔捨得除佢落黎. 搵錯野聽,佢可以連70蚊一對大陸野都打唔過. 不過,就佢o既外形,拎起佢上手o既觸感,唔聽,就只要黎收藏都值得.

結婚都要嬴!

霸氣聯婚!你們嬴鳥!!

再聽一次sakuran

出左都好一排,結果都係等港版出左先買. 無他,平好多嘛.

講o既係椎名女王 "新碟" <平成風俗>
本應係叫人期待o既碟黎,始終上一隻solo碟 <加爾基 精液 栗ノ花>已經係4年前o既事. 雖然東京事變果兩隻碟都十分唔錯live亦都好精彩, 不過佢o既簡單直接實淨,總令人有d懷念加爾基果dd偏o既味道.今次新碟與其話solo,不如話係另一個同斎藤ネコo既合作project. 自己第一次接觸斎藤ネコ應該係<賣笑ecstasy> o既live同早前o既<第一回林檎班大会>.

到上個星期睇完sakuran,見佢果幾隻新歌都唔錯就了番起條癮去執隻碟聽下. 一聽之下...咁熟口面o既? 根本就係拎番套戲入面果d歌去出碟! 最過份o既係,如果你有睇過<賣笑ecstasy>同<第一回林檎班大会> o既dvd就知佢有一大半o既歌係一樣的,而今次隻碟有一半都係同果2個live一樣的!只不過係由live玩換左入studio錄!阿大叔都真係幾過份下.

咁究竟滿唔滿意隻碟呢? 滿意呀, 真係吹漲. 唔係因為fans心態,而係另外果半隻碟,實在飲得杯落.

ギャンブル o既氣勢係咁大隊band先比倒你 (佢話係70人編制o既樂團喎), 錯乱果d jazz味完全係我杯茶, カリソメ乙女(TAMEIKESANNOH ver.)就係之前隻カリソメ乙女（DEATH JAZZ ver.）o既英文版,少左分狂亂,換黎o既係R洲o既味道.

而自己最鍾意o既都係睇sakuran之前未試過o既 ハツコイ娼女,大量絃樂加埋d左右走o既人聲(我唔知果d叫咩啦),有種淒怨o既感覺, 花魁 就係比較少見佢用咁大量o既電野用得咁出面,歌詞同套戲都十分之配. 夢のあと 出自<教育>最後一cut,當時聽印象唔太深,不過今次重編過就變成另一件事, 每一次聽都令人諗番起套戲o既結尾, 可以話係成套戲用歌用得最好o既地方,再聽番隻歌,典型o既由淺入深,有d感動o既感覺.

而最後一隻この世の限り,同佢大佬椎名純平o既合唱歌,第一次聽果陣已經係"哦玩d咁o既野呀今次?", 冇咩其他特別o既感想,加埋近排電台都播到幾爛下,所以都冇咩感覺了.


結論係,全碟6隻新歌5隻正,當買5送8啦,當係睇完套戲聽多一次囉,就係聽幾隻新歌都值, 又其實,果2個live,都冇正式出過CD架嘛,好似.



送多一個,ハツコイ娼女o既MTV.

續．HKIFF 2007 結局編

This film is not yet rated
質疑美國電影評級制度o既紀錄片,想由幾個方向入位,不過在我睇就好幾個位都入唔倒/唔夠深,娛樂性不俗 (睇佢交帶果度真係正死.) ,不過要去質疑制度就實在咬得唔多夠力.

虫師
冇睇過原著同動畫情況下走入去,睇倒佢係好用力想將佢原整地拍成一套"戲",一套有頭有尾,完整o既戲,不過可以話吃力不討好, 中後段已經開始散,結局直頭係草草收場.(不過都好過某d改編作由佢留番條尾等拍續作) 不過唔講佢故事,入去齋睇畫面都抵. 好多鏡頭都好出力拍得好靚,靚到令我覺得有d係用CG畫落去! 聽番朋友講原作未完不過已經近乎爛尾,咁可能佢留番OPEN ENDING比人自己諗下仲好.


立喰師列傳
哈!哈!哈!
都唔知講乜好,直頭慘過聽TALK,又比老爺玩!話題作.


超時空泡泡女
歡樂過頭,老很土,唔想提.

the US VS John Lennon
近乎純記事,冇咩立場o既紀錄片,當睇下歷史都可以,某程度上都係fans向o既野 - 慘得過我BUY?

SAKURAN
比想像中好!導演攝影師出身畫面都有保證,誇張o既用色都好有佢o既相o既風格,以初執導黎講有一樣野佢十分之醒:唔大貪,只係集中講一條大o既主線,其他都係散散地咁幫條主線發展,推進同結局都係意料之內不過處理得十分唔錯.唔望有咩驚喜之下,極之收貨.
另外女王o既"配樂"直頭係環保,由solo時期到東京事變o既歌都有用番,好在重編重玩過晒. 而果幾隻新碟度o既新歌都有放落去, 感覺就冇加爾基咁偏,都幾好聽,但係用到落套戲度效果就未見有咩驚豔之處囉. (唔似某某果d睇套戲果陣有feel到爆不過拎隻OST黎聽就悶到喊啦.)