CYMK電話

真係痴Q線...直頭對個色版對到上撚左腦呀??




http://plusd.itmedia.co.jp/mobile/articles/0701/25/news061.html

8字頭香港是乜通有機入呀,不過佢會拎CYMK 4隻色咁多番黎你都偷笑.

無題

一年容易又macworld

真係話咁快又一年,舊年先講緊全線轉intel platform喇,家下又話macworld囉,真係容咩易. 唔駛講今年macworld最風頭都係幾件玩具 - iphone (睇下同cisco攪成點啦,可能要改名), appleTV (前iTV), 見iphone連香港電視o既新聞都要講,咁作為口痕友好難又唔黎up番兩咀o既.


先講基本spec, OS跑MAC OS X, Storage 4G同8G, 睇落一流o既touch screen, connectivity就應該咩都有 (wifi都有), network就行GSM. 其實我自己真係唔係好知點為佢定位好,比smartphone不足,比一般電話就有餘得很. 佢自己講啦,就係ipod + 電話 + internet device. ,就同佢一樣樣講.

ipod : 就係聽歌睇戲咁啦,聽歌就好順理成章咁跟隻itune比你啦,睇戲佢就有隻480x320 o既wide screen,如果用開palm o既都唔會陌生啦,一定比ipod 5G果隻唔大又唔細o既好一萬倍左右.

phone : 行GSM四頻,英美澳加大陸香港都用倒, 睇落phonebook整合度都幾好, 基本電話feature都不太缺.

internet device : 因為行GSM關係,上網最快都係用EDGE, SAFARI上裝基本應該響mac度行倒o既野佢都行倒, email 唔少得啦仲要YAHOO同佢玩PUSH MAIL. WIDGET應該會係有用o既野,不過家下你最愛o既MSN就未知有冇囉~

講完當然又係口痕友時間啦,我就一隻隻POINT咁講.

-itune佢show出黎係用新version itune o既cover flow的, 我唔知有冇人覺得個cover flow好好用啦,我就完全覺得佢完美地體現出"好睇唔好食" 5個字. 如果佢比番個classic o既interface會好好多.

-storage 4G同8G 2隻. 放響NANO度就夠o既,到video ipod喇喎,又片又歌, 只要唔係light user o既話應該會很吃緊.

-電話行GSM ONLY, 冇錯呀以佢咁o既feature係連3G都冇的. 有留意開APPLE都知APPLE眼中亞洲只得一個國家 : 日本. 不過日本係行唔倒GSM架喎~咁即係點呢? 以佢時間表黎睇,亞洲會係08年先有行貨開賣,會唔會就係比一年廣達電去必部1.5代 3G版iphone呢?

-以而家黎睇,iphone保有ipod優良傳統 : 不設換電 (當然係以官方計啦,好似我咁搵把鋼尺開佢蠔殼就係另一件事). 用過ipod都應該知佢舊電有另一個傳統 :唔足數. 即係佢話有15hrs,你預佢10個都多. 而家iphone講緊talk time係5hrs,七除8扣即係得番3粒鐘. 記唔記得你果部機好勁架可以上網聽歌睇戲架~講仲可以講幾耐電話呢? 所以真係諗住買部機黎 "用" o既先生女仕,買多一兩部就差唔多架喇,希望佢會多一兩隻色同有買第二件八折優惠啦~

-即係咁講,我自己都有用電話用EDGE上網,好慢又談不上,不過一定唔係快,收下EMAIL就冇咩問題,睇網頁如果太多野就都係等幾耐下. 記得佢個SAFARI標榜係開倒大部份野呢? 如果佢唔會好似OPERA MINI咁收細D野我諗真係LOAD到呆.

-WIDGET方面長駐不停UPDATE先顯得出佢o既價值(一係唔用一用就用盡嘛),咁即係部機要長時間online咁濟了,代表咩?食電囉.就住佢黎用就同閹左佢一半差無幾了.另外safari上網如果真係好慢 - 知道慢係因為佢多野load嘛? 加埋之前widget o既食量,如果你個GPRS plan唔係任食都真係幾開心,我指你個台呀.

-好衰唔衰係yahoo push mail喎,push d咩來?junk mail囉,佢最多架啦.

-行OS X我就真係有D擔心佢反應速度 : 哩樣要玩過先知. 不過響HANDHELD度行倒件咁o既野又不禁令人對"新newton"懷有希望!

所以我話都唔知點定佢位好呢,同smartphone比,佢PIM方面又不及人地, 當電話咩?又太大部. 睇戲佢storage又唔係話真係咁多, 上網又限於network速度. WiFi嘛?香港hotspot又唔係咁多,唔夠真正流動. 所以就真係要睇到佢哩半年會唔會再改下部野囉~ 不過正如大部份蛇果制品 : 唔好急住去做白老鼠!


APPLE TV嘛...打左好多字, 支力~~有興趣先講.

又一隻餅盒

響蛇果出左月餅盒mac mini好個年頭之後, sony就都唔幾不甘後人地發表左佢o既餅盒. 不過比起蛇果果一盒雙黃白蓮蓉更強o既係, sony丟出黎o既係一盒七星伴月!!



有時我真係唔多明product designer個腦係點運作的,至少咁多年我都未試過用緊電腦果陣想食月餅. spec嘛,佢自己都未有公佈,反正VAIO都要比同一個spec o既PC慢半拍,冇咩參考價值. 真係有興趣就去睇睇囉~

改篇

近年,攪面向大眾o既創作果班友真係好似乾晒塘咁,尤其係如果你有睇開日本野o既話,都應該會發現好多都係"跨媒體" -- 當然哩個係講得好聽o既講法啦. 講到尾,現實就係只要一部作品響一個媒體打出倒名堂,搵得倒錢之後,就會開始recycle工作 : 小說得左咩?改漫畫再拍動畫再拍埋戲,賣埠有市就仲可能成件賣比人再拍多次! 結果就係同一個涵,你可能係睇過佢用超過2,什至3個以上o既款包住黎再sell比你o既. 睇得多你自然會問下自己, "究竟改編哩件係咩一回事?"

睇改編作果陣,見倒最多人o既反應就係 :

"改到鬼五馬六!"
"人地原作果度都唔係咁o既!"
"阿邊個邊個個角色邊係咁架!!"
"改改改整衰晒套野!"


冇錯, 大部份情況下如果你係渣住原作入場去睇改編作品,都難免先入為主地以改編同原著o既分歧作為入位o既地方,最後多數都係一肚氣收場.

可能就係咁,近排接觸倒o既改編作品好多都十分忠於原著,什至可以話太忠於原著 - 就以由靜態改成動態 o既為例,無論劇本,角色以至鋪排,分鏡之類,都係完完全全照搬原作上去. 結果哩一類改編作,我冇一套可以好好心機完完整整咁睇完,因為我實在冇辦法可以同一件一模一樣o既野去睇多一次.

會唔會由開始果陣我地已經捉錯用神呢?叫得"改編",當然要改先得. 點改?就要睇制作者功力. 由十廿幾本書濃縮成180分鐘,任你點斬點切都冇可能可以完整咁塞得倒入去. 所以改編作o既價值,就係要睇制作者點樣理解,消化原作再用自己o既手法去present出黎. 我諗要寫一個改編劇本,佢將原作睇過o既次數一定唔會比任何一個fans少 (hea底例外啦當然.),佢著眼o既地方亦一定會比一般讀者多 : 邊一段要得邊一段要cut? 邊個角色有用邊個角色cut得? 如果係由文字化成畫面o既更加要一字一句去分析,再作補充. 總之實際要做一定比我想像中更多野煩頂啦.

所以面對一部改編作,我地係去睇"究竟改編者眼中o既哩一套野係咩一回事?", 應該係以書論書,以戲論戲咁去評先有意義,因為果一套唔係原作者o既作品,而係改編者o既作品, 你可以小<無間道風云>拍到鬼五馬六,但係唔可以小"曾志偉點會咁o既樣呀!", 因為馬田史高西斯眼中,可能佢就係咁o既樣.

另一個(又大又深的)坑洞

完全係多得早排轉涼o既天氣 ,令我主動再向一個無底洞一躍而下.

當然相對我用緊o既ear-mon,佢只不過算係平價貨色.話雖如此,佢bass量大而不失質感,人聲較後同硬但好在夠清,用黎聽POP,ROCK同各式DANCE音樂都十分不錯,鼓聲的壓迫感稍為過頭,不過處理結他聲方面就見爽快而不亂,十分稱職. 奇怪地鋼琴都令我幾滿意,可以話係一個BONUS. 音場同定位完全顯出HEADPHONE o既優勢,同價位earphone應該都難以匹敵. 如果弱項的話應該係高頻,JAZZ同女聲吧,感覺不好,中頻有時都會混作一團.丫仲有,聞說佢不太o岩大頭仔用的,夾頭喎,我就唔覺,不過都真係幾焗(暖呀!)

有趣o既係佢o既性格同我另一對AKG產品K14P係完全相反,所以有人評哩一對HEADPHONE好唔AKG聲,可能真係掛?不過以咁o既價黎講,我已經好滿意. 唔敢講"好在冇買px200!"因為PX200 o既聲我都幾鍾意,不過哩對二手K81DJ,自覺係冇買錯的.

下一步嘛,應該要物色一對o岩用黎聽jazz,人聲靚o既東西了...