吉C 98%

計計下應該都至少有兩年冇完成過一件模型,所以今次本住唔改唔大執唔攪野純OOB o既方法以求完成佢. 果2個%就係留番比果d應執又冇執o既地方啦,anyway, 四捨五入嘛,當攪掂架喇.

送多張起檀作法圖!

下一隻嘛...可能要體現一下 "set裝" o既真締.

神秘的廣府話,其之一

古語有云 : "捉鬼用保鮮紙,打鬼用朱古力"

朱古力者,chocolate,奶類制作之糖果是也. 不過最神秘 o既係, 識得廣東話o既都知朱古力係讀成 "豬-姑-瀝". 中國字一向有一字多音多義o既特色,不過"古"字未見可讀成"姑",而"力"亦不通於"瀝", 咁究竟好地地 朱 古 力 會讀成豬 姑 瀝呢?

唔好問我,天曉得.

堅將集膠到冇朋友之真．中產子弟

一向都幾鍾意睇港台電視部o既節目,無他 : 同類型時事節目中文語系中除左冇得睇o既雀仔衛視同基佬電視之外,就得番毛記一個星期一集o既星期乜檔案. 而港台節目之中鏗鏘集都係其中一個會睇o既,反正講講講冇咩立場睇完得個知都幾好,選題有時都ok有趣,不過今日果集就真係膠撚到冇晒朋友,值待屌完再屌多屌.

內容講咩?就係有間九龍塘o既中學喎,因為舊校太細唔夠用要重建過,咁重建間o既兩年佢地就要搬去深水 土步 o既一座舊校舍度用住先 (前身係咩學校唔記得,總之就係嘉頓對面果間 ) ,全集就係講師生點樣面對哩個 挑戰 .

冇錯,係挑戰. 當年啟德機場搬去新機場,一晚百九幾萬樣野要攪掂,我覺得係個挑戰, 咁一間學校搬校舍,又有機挑戰呢?廢話少講,有圖有真相 .






咁大個羽毛球場我都係第一次見,真係打波都打死




好明顯老師都幾出力妖魔化老深.


究竟佢當左自己係咩?blue blood?定真係藍血果d外星人?


當然我唔排除搬校對校政有一定程度o既影響,不過師生呢?
大人小題大做對細路過份照顧,只可以話個感覺係籠中鳥,井底蛙,對現實世界無知.
拍左套野出黎,都唔知人地其實指住佢黎笑.

"welcome to the real world"

馬交詭異錄

話說得幾日都幾唔大o既"大假",想出門不過邊度都去唔倒,唯有過大海行下,詭異程度真係都同香港有得比.

A片!!一定係A片!!


四方型ENIX會唔會收番佢錢呢?

懶係新屎坑的廢話

唔講有哩個headspring o既TREO系列開始,就係O2自己響香港再廣為人知o既已經係PPC phone :就係PDA + 電話囉?? 究竟懶新奇有廣咁拎出黎做SELLING POINT有咩含意呢??

唔好同我講佢因為佢係推蓋個樣似一部電話而當哩個係賣點. 如果句野真係咁黎o既,請叫度條橋果條七頭返屋企,食蕉連皮

無聊作 13112006

響公司食完飯又唔眼訓又有相機又有電腦有PS無無聊便玩.

好似都冇寫過,詰說上個月左右因為部818PRO ((((又))))壞左 o既關係,拎去整期間成個星期冇電話用便去物色平平地o既士啤機,本來想平平地買部一千幾百cheap野,點知行行下見哩部日本仔電話原來解左lock香港用倒,而價錢都只不過係千幾蚊,R左一日便買左黎玩. 除左打唔倒同MENU冇中文其他野都係一流的,至少話音質素要比部818PRO嬴十幾條街.set好晒d野裝埋opera mini便可以上網,出左冇耐果隻GMAIL MOBILE照行倒,我覺得便是很勁.響架國VODAFONE已經摺埋o既今日黎講,當哩部野要黎紀念下,亦可.


一句講晒 : 哩樣又有果樣又有樣又靚仔仲要千幾蚊,仲想點?

吉C 70%

爭滲線topcoat等後期野, 當然最重要係身果隻色我仲未諗好...@@"

吉C是日進度

唔係流架喇今次,真係有郁手架...
原本想用offwhite做主色,點知打完影之後感覺太藍,結果又係要開番d 1號黎打番d高光,on99的樣子... = =
花左一日叫處理好主色,聽日如果攪得埋其他兩隻色就可以合體睇下效果了

RUNZ

冇咩野,就係有少少無聊.

回歸工作檯

先幾次都再開失敗,哩幾日又比人"了"番起條癮,唔好似之前咁未出發先興奮喇,今次有少少進度先拎出黎,純粹pickup番用純OOB,希望可以係幾日貨仔攪定.

DAY 1進度：完成基本打磨,噴灰之後再執埋D夾口