老人強身健體大法 第一式

話說部T40都用左三年有突,其實唔打機o既話都仲幾算好夠用,行起一般,以至大咬少少o既program都仲有心有力. 不過歲月不留機,部野中o既"消耗品"都老化得七七八八. 叫我換機咩?見佢仲行得走得幫得手,又冇唔要佢o既道理,所以都係時候自我增值,保持兢爭力.

好衰唔衰,近排幫幾部新機set wireless,全部都內置wireless adapter喎, 而我果部野都仲係用pcmcia o既wireless card,有舊野突出黎,對比人地d機之下令我十分不爽, 結果嘛,就係用錢解決問題. 其實T40果陣已經有內置wireless,不過因為我買果陣已經係11b 尾水, 所以買左冇wireless而比例平 o既model. 咁到今時今日到G尾水,見D 內置mini pci card平,就敗一敗佢.

第一件事唔係拆機插卡,而係要上網搵搵點攪先. 點知比我發現我手頭張2915 T40一般黎講係唔support o既! 如果你就咁插落去就會出error 1802而機都開唔倒. 原來腦內打炮哩間公司用心良苦,為左推動經濟,一定要你幫佢買果張同一CHIPSET 不過又貴幾倍o既先用倒喎~咁點呢?好在有偉大o既google大神,俄佬發現可以改CMOS入面少少野就可以用倒張card, 寫左個叫no-1802.com o既DOS program黎解決哩個問題,不過就要boot入純dos先run倒.

解決左software o既問題, 就係時候拆機喇~拆左機底好多粒螺絲之後就可以挑起個keyboard同拆起埋touchpad果塊蓋喇,不過記得要慢慢拎起再抆起個插,唔係整斷條排線就十分甘架喇.
















拎起個keyboard就見倒好多野,仲有一定係好大塵啦. mini pci個slot就係正正touchpad下面果個.因為其他model係有wireless o既,所以全部T4x系都已經佈好條天線,插頭就收埋響白色果個套入面.















主角出場~2915ABG, support晒A,B,G三隻~都係百鬆d蚊. 好似插ram咁啪落去條slot度,不過插之前記得先插天線,因為個頭真係十分細.















攪定,插keyboard開機,冇error,掂!!















裝好driver,用得. 對比起張pc card,內置哩張接收能力起碼高一倍!! 本來響房得30%,而家標升至80%. 連帶部機反應都好似有少少提高, 哩舊幾水,都算花得值~

唔怕生壞命 最怕改壞名

可以話係近年滄海遺珠之王, 一致好評,票房仆直, 叫做 <神經俠侶> o既戲.
應該問一百個人,二十個因為容祖兒而唔睇,十個因為陳奕迅而唔睇,五十個因為戲名而唔睇,十九個因為張poster而唔睇.你話聽倒個咁o既名,見倒張咁o既poster,唔好話比五六十蚊入場,真係連扒廿雞出黎買隻VCD o既欲望都冇!



不過我睇完,真係覺得抵佢咁多人讚好.唔駛多,淨睇吳鎮宇都抵,其實Eason一向拍戲都唔差,套戲本身都拍得十分唔錯,容小姐嘛....好處就係夠晒唔靚,實感＋3.

信我,哩廿蚊,真係值得比

多麼叫人懷念哦~!!

今時今日仲有幸見倒哩句magic般o既話語,實在太幸運了!!

SNAP 12082006

老處開苞!

狂賀JENSON BUTTON跑左七年FORMULA 1終於開苞,響今年匈牙利站勇奪人生第一個分站冠軍!!



可能佢上完TOPGEAR之後真係用佢o既邪惡生活黎交換左個冠軍番黎.
另弓起今站HONDA副機器終於冇打柴,兩架車都跑得完.

少佐 meets TIIDA

話潮流興crossover,句野其實都唔知講左幾多年,大家都仲係好樂此不疲地你叉下我我又叉下佢.今次,就到萬眾期待o既攻殼SSS叉哩個日產.

攻殼機動隊SACSSS meets NISSAN


咁NISSAN 有乜比佢叉呢? 當然係車啦. 而家就見倒o既係有兩架日產o既concept car都會響SSS度出場.其一,就係TIIDA SPORT CONCEPT,其二,就係INFINITI KURAZA,兩架都係05年o既展品. 咁睇黎少佐就會渣架TIIDA出出入入咁啦. 哩架tiida sport咩料呢?叫得concept car就梗係冇得買啦,不過普通版tiida就你有錢就買得倒喇. 作為replace SUNNY 打1.5L級compact saden o既新車,響香港佢同上一代sunny一樣:比corolla打到殘. 大約係你響街見倒prosche o既機會比見倒佢為大. 咁哩架tiida sport concept就係以tiida為基礎發展出黎o既hothatch,不過話就話concept o者,其實無論外型同內裝都係改少少就出得街o既野來. 同類型o既日本車就係近日見街o既MAZDA 3 MPS同已經變左老字號o既CIVIC type R啦,所以出定唔出就睇下有冇肉食.不過我睇就唔出好過出啦用黎攪形象o既車日產又唔係冇,拎到出黎賣都係炮灰o既多架喇我就話.

spec? concept car你理spec黎做咩?CONCEPT o既野任佢講到識飛都得架啦.

咁另一架KURAZA囉喎,好大架o既豪華SUV concept 囉,完.

LONG TIME NO SEE!

從來集體回憶都係最令人感動o既事,一萬人一齊經驗過,一萬人份o既共鳴,邊有唔感動之理.
以演出黎講,睇兩個唱歌唔係好好聽,跳舞又唔係好好睇o既三字頭開演唱會,實在真係搵唔倒咩理由.
當初知道佢地要開show,當然決定一定要睇!不過第一個浮出黎o既問題就係:

"佢地開show做乜?"

我相信同我一樣,以萬計o既人都有同一樣o既疑問,而又乖乖咁抱住個疑問排隊撲飛入場.

"睇乜?唔知呀,唔會唱歌掛?"

記 得有人講過,就算佢地成個show都係坐響度播番舊野,都一樣咁多人去睇.哩樣又真係呀,衰d講,就係打緊感情. 入場,因為佢地,係佢地.就係所謂由細聽到大,雖然佢地出道果陣我都仲讀緊小學,不過永遠都唔會忘記星期六晚黑11點比人鬧住都仲要聽老人院o既日子. 明明都唔知幾多年冇聽過佢地o既歌,佢地唱果陣又可以好似撞邪咁一字不漏背番晒出黎,因為我地都係親身經歷果一個時代,咩野面和口和心不和o既野,我諗都 冇咩人會理,只要佢地兩個行番埋做d野出黎,就會睇.

就係因為"軟硬軟硬我地支持你,我諗我係fans".

高性能"環保"engine?

係呀,講下車先,都好耐冇講.

所謂環保,唔係在於佢低廢排,低嘈音,高效率之類,反正叫得"高性能engine"都一概同以上形容詞無緣."環保"係在於佢o既泛用性:即係你又用佢又用,用完又用,改少少再用. 要講o既就係我叫佢"大貓"即係jaguar o既AJ-V8.

哩 台ENGINE就厲害囉,由3.2 litre到 5litre o既版本都有,當然最出名o既係4.2L supercharged啦. 輸出超過400匹,由上一代XKR用o既4.0L supercharged,編號AJ-26S開始,到衝程改長至90mm o既AJ-34S,新XKR,XJR, S-TYPE R,總之大貓入面R得o既都係用佢!唔夠?同集團o既landrover, range rover sport到05年後o既range rover都有用上哩台V8 supercharged! 仲未夠?老牌craftsmanship代表o既ASTON MARTIN入門果架V8 vantage用果一台,亦都係源自AJ-V8!如果加埋自然吸氣版,除左大貓之外有用佢o既仲有landrover o既discovery再加埋lincoln LS等幾架米國車.數數下,真係十隻手指都數唔晒!

究竟咁係咪代表台engine設計十分精良呢?應該係. 不過肯定o既係FORD數口比台ENGINE更精,有咩好過一雞兩食?就係一雞十幾食囉~~