玩攝影定係玩器材?

好文
冇心機睇晒成篇o既話睇bold左o既地方都夠.

http://www.kenrockwell.com/tech/notcamera.htm

Moov~

用左老電網上爬上網咁多年,因為我都算係被迫用佢, (我哩度,one and only one一間ISP)
月費比人貴之外,對佢其他服務都冇咩興趣:用佢D咩NETCASH買野仲貴過街,NOW.COM睇D開著電視都有得睇o既野之類之類呀,所以一直都冇理過佢.

直至月前知道佢有個叫"moov" o既野先叫有番樣令人提得起興趣o既野!

簡 單黎講,就係用streaming o既方式黎聽歌,當然streaming唔係咩大不了o既事啦. 不過佢內容就真係十分唔錯!事沿我自己未reg哩個services之前係同事響公司開黎聽歌,咁我就梗係八八卦卦去睇下有咩野啦,發現除左電台日播夜播 果埋K歌之外,仲有唔少其他野喎!
好似五年前日播夜播果埋K歌啦,十年前日播夜播果埋K歌同埋廿年前係咁播o既歌都有!
當 然土炮野不足滿足我啦,再睇下,連d響好多香港人眼中都比較冷門o既外國hit野,以至真係幾冷門o既外國野都唔少喎~好多仲係成隻碟成隻碟咁上,幾有 heart!最o岩我哩d無啦啦屎忽痕就想搵果隻歌黎聽o既人!唔少o岩o岩派台o既K歌佢都即有,或者o岩o岩先出o既新碟都有得聽,好似muse隻 black holes and revelations一出就已經有,買都慳番!

不過用得streaming,就有一個你都諗倒o既問題啦 :就係有時會lag.好在個問題都唔算大,只係peak hours會有時lag下所以都可以接受. 仲有個player o既interface仲有好大改善空間啦,不過我相信佢會慢慢執好佢.

基本上去到邊度有電腦你都可以聽,而且月費只不過係四十幾蚊,以半隻碟o既價錢就可以係咁聽係咁聽,可以話係幾抵用!希望佢可以keep住update外國野唔好好似now咁變下變下得番土炮野,同埋最重要,唔好加價啦~

老電終於做番件好事,值得支持!
http://www.moov.now.com.hk/

舊歌浪聽中

不願一個人 - 梁漢文

誰忍心默然讓妳獨個倚窗感覺夜涼
誰忍心讓妳一人承受冷暖每個變幻與痛傷
誰喜歡獨來獨往
每次孤單單都想妳在旁
藍的天流動的雲
明白這個世界妳是我曙光

＊我有多麼想星光中海風中可跟妳倚著唱
從前是妳與我也唱過也愛過最動聽的愛歌
誰願夜幕下寂寞地望天
不要空虛中將秋水望穿
誰願到妳要對我說分開
才後悔過去我太不懂得把妳熱愛

求今天夜來讓我共妳一起觀看夕陽
求今生陪著追尋曾屬我倆看似幼稚那理想
長空中驟晴驟雨
每個悲跟喜都想妳在場
仍堅心流浪的人
無論去到那裡好妳是我故鄉


-------------------------------------------
超~~舊o既歌,好似係出自娘炳第一隻碟?
忽然覺得好好聽,浪聽中.

下次唱K一定記得要唱!

SHOOT!

好似冇咩提過,早幾個月前,終於實行左一件講左幾萬年o既事:乖乖地走去學影相.
學d自己鍾意o既野當然開心,頭兩個月都係講d基本技術同概念,溫故知新
仲有得入黑房沖下片放下黑白相,十分好玩.

不過最重要o既一樣好基本,對攝影o既睇法,或者話係做法,有一百八十度o既轉變.

以前影相,由於菲林貴o既關係,每張都好小心先影,就係think-and-shoot.
不過學左之後發現用哩個方法去影相真係好錯!加上爛爆o既技術影倒好相o既機會真係微乎其微!
有一樣野開始學影相先明白o既係 :

按個制就人人都識,識得分邊張係好相先有真正價值

的確,尤其而家point and shoot又好SLR又好,一個全自動就夠殺80%以上情況
師奶阿叔識唔識好都可以影相!
所以真正識攝影在於識唔識響一堆相入面搵出一張稱得上好o既作品.
好似我而家咁o既技術,一筒入面搵倒一張過得去o既已經偷笑都黎唔切.
所以而家影相會學習去一個景,影多幾張
就係think-and-shoot-shoot-shoot,(始終菲林都係錢黎嘛...)
當然最理想係可以think-and-shoot-shoot-shoot-shoot-shoot-shoot-shoot-shoot~~~~啦,尤其咁樣去影人像真係爽死(亦都有實際需要),不過哩樣就應該換左部DSLR先會去做囉~ ^^"


月頭o岩o岩完成左個初班,希望完晒個course之後有一兩張見得下人o既相影得倒啦~

十年一次!

有幾多野你會十年都唔做一次呢?我今日就做左一樣都成十年冇做過o既野:

游水!!

唔知點解會咁多年冇游過水,又唔會話特別避開唔做,可能係因為冇機會?又唔會特登走去游咁.
不過人地講得o岩呀,有d野學識左,就一世都識. 其一,就係游水,其二,係渣車. 今日就証實左一係真o既!十年冇游過水落水都死唔去,郁左幾郁之後就識游番. 其二我就十分希望係真架啦,我個牌都大大話話考左成兩年,考倒之後一次車都冇渣過... (打機唔算!)
講番游水,丫游番先知原來我係幾鍾意游水架喎~!成個細路咁又浮又潛游左成個幾鐘,加埋熱到死得人o既天氣之下游真係爽死. 有機會真係多d游先得,最好一個星期抽倒3~4日,又最好日日都可以游!

健康活動萬歲!!

一定好凍!!

我覺得個space一定係故意的!!!

超down

一年總有幾日,心情超級DOWN
個人冇晒目標,無緣無故,咩理由都冇地好DOWN
完全咩野都唔想做,咩野都唔想諗
玩又唔想,食又唔想,買又唔想,唔係倦不過就只係係想訓

我覺得應該係病黎.

我發現哩個情況近年愈黎愈嚴重.

或者需要發洩一下

要來的始終要來..!!!

http://www.dpreview.com/news/0607/06072001nikondslrteaser.asp

哈哈哈~終於等倒D70轉款~~
合心水即鎊,不合則直接跳上D200! (可能啦...)
20 DAYS TO GO!!

大預言

是日大預預言:

五年之內輕便型DC會大量減產至今日產量之30%或以下

風水佬呃你十年八年,唔信可以五年後再睇一睇哩度.

鐵頭金球大力神

世界盃咁又玩完,成個月返工返工返工訓覺訓覺訓覺睇波睇波睇波機又少打就連blog都懶得寫,決賽評論我就唔多講喇,兩句感想啦

-意撚又一次向世人証明打龜先係王道
-球王可能都覺得今年d波悶悶地,整番個世紀金頭黎娛下賓,仲拎埋個獎,好野!

完.



睇完波終於可以的起心肝打VP2鳥~