是日鳩治指數

鳩治move of the match:

挑起個波,玩倒掛!

鳩度:鳩鳩鳩鳩鳩鳩鳩鳩九
值8.5鳩!

1006 - 1106 四場波

德國對哥斯達黎加
悶戰,好在有幾球世界波同德虫o既漏水後防令兩邊加埋中出六次夠晒淫,唔係真係訓得著.

英格蘭對巴拉圭
悶爆,英狗冇Q用,輸撚左佢仲好啦不如.

千里達對瑞典
以為會千里達好魚腩點知都守得住,睇住瑞典吉黎吉去都吉唔入,不過睇完場激悶波,好難唔覺得佢好睇.

阿根廷對象牙海岸
好波!上半場快上快落唔覺唔覺就45分鐘,同日果個"四十年最好" o既英狗對住哩個阿根廷真係食得屎,我話.

GT4復活@Nurburging nordschleife

近日冇咩新野玩手痕痕拎番隻GT4出黎玩下,不過唔係要攪掂埋未打果40%,而係迷上左別名"the green hell" o既Nurburging nordschleife,紐布靈北賽道.

全 長超過20km,彎道超過一百個,現實中o既Nurburging nordschleife 係唔少車廠o既試車聖地,好似MECEDES,BMW等德國車廠以致日產等日本車廠都好鍾意用Nurburging nordschleife 黎試車,原因就係一個字:難. 各式各樣o既彎道,不停上落山o既高低差同飛jump位都難倒唔少車,可以跑倒入8分之內o既就可以稱得上超快o既跑車. 最有趣o既係只要你去到德國,只要16蚊歐羅入場費就可以渣自己架車入去跑番個圈.

當然哩d係現實之中o既nurburging啦,GT果條又係另一回事,三百蚊跑到你嘔.

GT4 入面o既Nurburging nordschleife. 要入8分鐘之內可以話冇咩難度.以acarde mode計,原裝車唔改唔set,300匹左右o既跑車已經可以做得倒8分以內.咁我拎得番隻GT4出黎梗係要比番少少主題黎試啦~今次就係 HOTHATCH@Nurburging nordschleife,Time attack一圈決勝負.

平台:PS2 GT4 acarde mode
controller: GT FORCE,setting=模擬
車種:200匹左右o既hothatch
setting: acrade mode 原裝車, TCS ASM off

當然我圈速一d都唔快,好多人可以做倒更快,都係貪得意玩下o者.

參賽車同成績如下:



可以見倒大部份都係2公升級,FF o既htachback.
EP3以場中最大o既馬力(>210ps)同最高o既馬力重量比勝出,可以係意料中事,快第二位十幾秒可以話係屈機.

mini cooper S可以話係一個異數,以全場最細o既engine (1600cc)加super charger, 馬力重量比亦唔係高得過人,不過彎中感覺四平八穩,engine段段有力,做出比想像中快好多o既圈速

206RC響彎中比倒你o既信心比mini更強,少少overspeed入彎都可以,馬力比mini更大不過發力點較遲,可能就係輸哩樣

seat ibiza, 場中golf之外另一部turbo車,加速力十分唔錯,不過彎中比較推頭令圈速唔多理想

corolla runx,同EP3一樣同係日系HATCHBACK,1800cc發出190ps以上馬力算係唔低,不過同EP3同樣有一個問題,就係整體感覺比較緊張冇歐洲hothatch o既從容,但係又冇佢同鄉咁快.

BMW 120i,同場唯一一架FR o既hatchback,車重高,馬力最細 (150ps),輸得有道理. 值得一提o既係佢彎中表現十分瀟灑,可以用油門黎控制車頭指向,唔快不過十分好玩.


一個平台做得精細就可以咁玩, 就算係spec相近o既車都可以試出唔同o既感覺. 當然有幾多成係反映倒現實,就要試過晒真車o既先知囉.

是日R頭

o岩o岩行某台灣DC site睇倒佢其中一個fujifilm DC廣告:

富士 F470 旗艦級入門進階機種！

或者解釋下佢果幾個字先:
旗艦: flagship是也. 就係最頂級,最代表性產品先可以叫flagship,多數價錢貴得足以你叫媽媽三次.

入門: 多數為簡單,平價,易用而function較少
進階: 比初階機種多function而保有合理售價,合比較有要求人仕使用.


咁一部機點樣同時係旗艦又係入門不過又進階呢?

同有錢o既死窮鬼,硬o既軟糖同環境friendly o既SUV一樣咁矛盾.

百思不得其解也.