"its~ my~ ae~ro~plane~"

等了又等終於等到手提打飛機ace combat X出,作為系列fans當然即刻夾番黎玩,打左3日完成左normal一次,照舊比少少highlight:

-短!全15版左右,總時數2個鐘都唔夠就完成左

-故事照用AC5同ZERO o既世界觀,不過比前兩者黎講冇咩張力....幾時先會比AC3復活呀~~~
-畫面十分唔錯,不過機能所限速度感就爭d,不過都無傷大邪

- 比起PS2,PSP總共冇左4個制 (L2 L3 R2 R3),其中冇左L2 R2對我哩隻機炮魔黎講極之極之大影響,雖然可以SET三角四方做YAW,不過打狗果陣左手指公要ROLL,兩隻食指油門同brake,右手指公就yaw 果陣,我用咩黎開炮?至少花左5版o既時間先習慣得倒

-AI明顯比AC zero蠢,近乎AC4 o既level,不過mission就比zero難,其一係時間比較緊啦,尤其早期座機比較弱果陣,其二係操作未順手有時會雞手鴨腳.

-避彈o既方法少少唔同左,唔可以好似以前咁亂咁轉就避晒,對地唔快快手手清晒d SAM就會有少少麻煩

-機種分別大左,例如鬼2回復飛天磚頭o既遲鈍,A10加速同高速機動性弱得可憐,要打狗殺低SU-37會有D難度.

-原創機加入改機原素,打HARD果陣會試用一下

-選分歧點畫面扮有戰略幾有趣,選擇會對MISSION內容有影響

-大雀仔好有趣,不過太易打了.

-短!傳統活動穿隧道全長不過幾十秒,成史上最短隧道!!冇癮~

-全GAME欠缺5同ZERO o既熱血位!失敗!!大敗筆!! 記得zero單挑決鬥同5 o既沈船硬射嘛??

打 分時間~~ AC5如果係80,AC ZERO係75, AC X最多都係得60分. 冇熱血位唔深刻唔順手令佢原本得55分,不過見倒肯出同有D細心野,好似機炮知你難瞄會加番少少修正,加番5分比佢啦. 個人黎講實在係有D失望,唔通響每一個新平台度第一隻AC都要係比較求其的?