自虐遊戲再添一員!

近 日打緊哩個PSP o既ridge racer 2, 一直打一路怨難度太低易打到見悶,不過keep住等車無聊咁打下,打打下打完EX tour以為爆機玩完啦,咩車咩片都開晒喇喎,點知,原來仲有個叫MAX tour o既鬼東西!參賽全數四架車,一定要拎第一先過倒. 媽的!打class 1同2都還好,試多幾次就可以clear,打到CLASS 3就覺得唔對路...有冇咁難打呀~~對手直路超快仲有無限NITRO,唯一有機會過佢o既地方就係某一兩個彎o既出彎位!所以要求係全場要近乎零出錯再 加彎速盡量做到最盡,再加一定o既運氣先有機會嬴!基本上,就係比電腦屈機o既情況下搵出缺口,就算嬴倒,都唔會有新車新track新片,完全係得個吉. 攪笑o既係佢每一個class都會有想定可以clear倒o既人數,o岩o岩完成opus 3係1/400人,打緊o既opus 4係1/1000人...其實,我諗係一千人之中先有一個咁傻明知冇獎品都on99咁走去比電腦屈機啦.