Simon tat password

頭先睇完哩個達文西密碼,即係某人口中o既"SIMON TAT PASSWORD"啦,套野講咩都唔駛我黎講啦,一係入場睇一係睇本書. 我自己就年幾之前已經K左本小說,D細節野都忘記得七七八八,感覺上,大致上都好忠於原著. 其實睇本書果陣已經覺得根本就係一套何哩活片啦,有男有女有飛車有呯呯槍,商業原素十分之齊.佢果D宗教野就無謂多考究,當故仔書睇完就算,反正都幾得 意.

講番套戲,除左有少少支節野改左之外,大致d野上都齊同交待得幾清楚,至少同行之中冇睇過本書o既都話冇咩野唔明. 可能就係太在意拍番原著d野出黎,成套個感覺都十分普通冇咩驚喜,搵UPS大叔黎做警察唔太似原著果個,不過都還可以,反而就係主角搵湯漢斯黎做就唔多 掂,個FEEL完全唔似!不過我又講唔出邊個最似. 再講佢都冇咩發揮o既機會,感覺都幾呆下.

總之套野就係你要咩就比倒咩你,多D都冇,所以我就最多比70/100.