已經變成周記了囉?

而家真係呢...就算做唔成日記希望一個星期都寫一寫,唔好甩左就算...

-1月1日,"一早"(好似都...成點幾鐘)起身食完飯就拉親背脊,由頸一路痛到去右手,成日床都落唔倒!!痛左成日終於忍唔倒去左仁安睇醫生,加埋照 X光成千幾蚊埋單...好在有保險CLAIM,不過就白白浪費左2日紅字,所以點都拎番日病假....想走出去試下支新鏡都唔得,慘.

-拎左日病假點都想出下門口,睇完醫生同屋企人去左大家樂食TEA~上一次一齊出去食飯究竟係幾時呢?好似都好一段時間囉...之後走左去IKEA買些少立雜野,比錢撞倒嘍閹連,不過屈唔倒佢請食熱狗,員工喎~~~
番到屋企執下張工作檯整理下D工具,仲要搵個架放好D模型油呢...舊年一隻野都起唔倒,所以點都開番隻黎玩,開左隻bb freedom巾諗住少少地一兩日貨仔用黎pickup番心情砌野最好啦~點知死人笨大個模真係開得奇差,分件求其,偷膠不在話下,d夾口位直頭番番幾年 前水準,平野o者,都唔係咁下話~~睇黎打磨加埋補夾口都要一日,以為笨大原地踏步o者,點都估唔倒佢會行倒頭車. 當然又當然,哩日全日o既野都係痛住黎做啦,冇呃你.

-放完假番工又黎攪過聖誕積落黎o既單,總之日日就係忙到訓響度,今日仲OT到九點半,好在之後開公數食番餐. 飯後走下場搵去搵班老朋友,本來已經 支力 到死,原本諗住傾下計o者,點知講幾講真係走左去唱K!!(其實都係我衰,不過真係幾開心~) 唱到三點半,而家先返到黎,聽日仲要返工搏鬥過,真係唔得自己死...搵賤黎犯呀~~好在都拖多幾個落水~呵呵~~