個人批判 vol.1

(原定本日推出物欲報告,為響應大口仔時間,物慾順延至下次)

(哩編通編用口語,講得舒服d)

哩幾日響人地個blog度做晒大口仔,不停講呀講呀講,話停又停唔倒口
咁叻仔話人,自己又有幾醒呀?好,今日就黎講下自己.

咁叻話人冇禮貌,自己又有幾叻咁呀?
其實,有時覺得自己又真係幾冇禮貌喎,遠o既唔講就講響火星,基本上除左熟些少果d之外,就真係好少好少主動同人打招呼,成日見倒o既都係咁.

"咁又唔係熟,怕醜架嘛!"

係囉,咁有咩好叫呢?叫完你眼望我眼冇野好講,咪仲衰~
不過理由點都好,冇禮貌就係冇禮貌,所以有時都覺得自己都幾衰,有d罪咎感架,有時.

不過又要兜番樣野,就係人地叫我,我係100%會應的,除非聽唔倒.
可能以前積落o既職業病,愈唔熟,就愈好禮貌,所以,都真係幾怪.

"又哩樣又果樣,咁即係,你覺得自己點丫?"

我覺得自己點冇意思架喎,我覺得自己靚仔都唔會比女溝架啦
野係自己做,印象就係響人地度,所以真係唔好問我,問你喇要.